K.Y.Fərəcova adına Elmi-Tədqiqat Pediatriya İnstitutunda həkim-rezidentlərin bilik və bacarıqlarının artırılması məqsədilə növbəti seminar təşkil olunub.

 

İnstitutdan Aztibb.az-a verilən xəbərə görə, seminarda müəssisənin baş həkimi, uzman doktor Azər Əhmədov, direktorun elmi işlər üzrə müavini t.e.d., dos. Nailə Rəhimova həkim əməkdaşlar və rezidentlər iştirak ediblər.

 

Tədbirdə uzman nevroloq Nərgiz Alıyeva və həkim-rezident Aynur Sarıyeva “Gullian Barre sindromu” mövzusunda təqdimatla çıxış ediblər.

 

Nərgiz Alıyeva bildirib ki, Guillain-Barre sindromu sinir sistemində yaranan, əzələ zəifliyi, reflekslərin itməsi, uyuşma, müvəqqəti ifliclərə səbəb olan nevroloji xəstəlikdir.

 

Aynur Sarıyeva isə xəstəliyin simptomları, müalicəsindən danışıb. Guillain-Barre sindromunun bilinən bir müalicə üsulu yoxdur, lakin tətbiq oluna bilən bəzi üsullarla simptomların təsirləri yüngülləşdirilə və sağalma müddəti qısaldıla bilər. Bu sindrom təcili müdaxilə tələb etdiyi üçün xəstə dərhal xəstəxanaya yerləşdirilməlidir..