Pakistanın cənub-qərbindəki Kvetta şəhərində vaksinasiya mərkəzi yaxınlığında partlayış törədilib.

Aztibb.az www.canberratimes.com-a istinadla xəbər verir ki, hadisə nəticəsində 3 nəfər həlak olub.

Patlayışda 30-a yaxın adamın yaralandığı deyilir. Yaralananların böyük əksəriyyəti mərkəzi mühafizə edən polis əməkdaşları olub.

İlkin məlumatlara əsasən, partlayışı terrorçu-kamikadze törədib.

Qeyd edək ki, Pakistanda poliomielitə qarşı bu ilin üçüncü peyvəndləmə kampaniyası başlayıb. Ölkənin bir neçə əyalətində 5 yaşadək 13 milyondan çox uşağın peyvəndlənməsi planlaşdırılır.