BMT-nin Əhali Fondunun təşəbbüsü ilə Azərbaycanda ailə planlaması institutlarının təkmilləşdirilməsi və əhalinin reproduktiv sağlamlığının qorunması məqsədilə “Azərbaycanın cənub bölgəsində təhlükəsiz analıq: ana ölümünün sıfıra endirilməsinə doğru” layihənin icra olunması məqsədilə Fondun, TƏBİB-in Elmi-Tədqiqat Mamalıq və Ginekologiya İnstitutunun əməkdaşlarının Lənkərana səfəri baş tutub.

 

TƏBİB-dən verilən xəbərə görə, iki il davam edən layihə Azərbaycanın cənub bölgəsində - Lənkəran rayonunda ana ölümünün azaldılması istiqamətində təklif olunan strategiyaları tətbiq etmək niyyətindədir. Pilot layihənin həyata keçirilməsi mərkəzləşdirilmiş doğum şöbələri olan bir neçə tibb müəssisəsində icra olunacaq. Əsas fəaliyyətlərə tibb personalının potensialın artırılması və maarifləndirmə üzrə təlim və əhali arasında müxtəlif kampaniyaların, həmçinin kliniki protokolların və metodik vasitələrin yenilənməsi üçün tövsiyələrin hazırlanması daxildir. Layihəyə bu sahədə beynəlxalq tanınmış ekspertlər rəhbərlik edir. Məqsəd əngəllənə bilən ana ölümü sayının azalmasına nail olmaq və layihəni Azərbaycanın digər regionlarda tətbiq etməkdir.