Dünyada həkimlik qədər şəfalı, şəfqətli, xeyirxah və humanist peşə yoxdur. Bütün zamanlarda, xalqlar arasında həkim cəmiyyətin ən çox sevilən və hörmət edilən təbəqəsi sayılıb, onların haqqında hikmətli sözlər yazılıb. Seçdiyi peşəsindən, həyatdakı işindən, mövqeyindən asılı olmayaraq, hər kəsin qəlbində bu sənət sahiblərinə qarşı ali hisslər yaşayır.

Aztibb.az-ın "Həkimlərimizi tanıyaq!" rubrikasında söz açacağımız Elşən Qafarov da sevilən, seçilən həkimlərimizdəndir. O, bu günədək mənalı həyatını bütünlüklə şərəfli işinə, müqəddəs peşəsinə, insanların problemlərinə və sağlamlığına həsr edib.

Elşən Əlişan oğlu Qafarov 7 may 1974-cü il Əli Bayramlı (Şirvan) şəhərində anadan olub. 1992-1998-ci illərdə N.Nərimanov adına Azərbaycan Tibb Universitetin Müalicə-profilaktikası fakültəsində təhsil alıb. 1998-1999-cu illərdə Əli Bayramlı (Şirvan) Şəhər Mərkəzi Xəstəxanasında internatura keçib.

O, 1999-cu ildə TTTYS-da çağırışçı həkim vəzifəsində çalışıb. 2001-ci ildə hərbi xidməti başa vurub və Şirvan Xəstəxanasının TTTYS-da həkim kimi fəaliyyətini davam etdirib. 2003-cü ildə Poliklinikada həkim-nevropotoloq işləyib.

Elşən Qafarov 2014 və 2019-cu illərdə Həkimlərin Sertifikasiya Şəhadətnaməsindən keçib.

Hazırda Şirvan Şəhər Mərkəzi Xəstəxanasının Poliklinikasında həkim-nevropotoloq kimi fəaliyyətini davam etdirir.

Müəllif: Nərgiz Qəhrəmanova