“44 günlük Vətən müharibəsindəki qələbəmizdən sonra sənədlərimi Zəngilan Rayon Mərkəzi Xəstəxanasına təqdim etdim və bildirdim ki, doğma elimdə insanlara tibbi xidmət göstərməyə hazıram. “Ağıllı kənd” layihəsi həyata keçirilən zaman TƏBİB-dən Ağalıda işləməklə bağlı təklif gəldi və razılaşdım".

 

Aztibb.az xəbər verir ki, bunu Ağalı Ailə Sağlamlıq Mərkəzinin bölmə müdiri Ceyran Abbasova deyib.

 

Həkim bildirib ki, gün ərzində bəzən 8, bəzən isə 20-yə yaxın müraciət daxil olur. Zəurət olduqda işdən sonra da vətəndaşlara xidmət göstəririk.

 

"Ağalıdakı tibbi mərkəzinin şəraiti, təchizatı yüksək səviyyədədir. Ailə Sağlamlıq Mərkəzi Zəngilan Rayon Mərkəzi Xəstəxanası tikilənə qədər Beyləqan Rayon Mərkəzi Xəstəxanasına tabedir. Doğum yeri Ağalı kəndi yazılacaq sakinlərimizi gözləyirik", - deyə Ceyran Abbasova əlavə edib.