44 günlük Vətən müharibəsində əsgər və zabitlərimizlə çiyin-çiyinə iştirak edən qəhrəman tibb işçilərindən biri də Səməd Mahmudovdur.

 

Səməd Mədət oğlu Mahmudov Quba Rayon Mərkəzi Xəstəxanasının Hemodializ şöbəsində həkim-nefroloq vəzifəsində çalışır.

 

O, 21 sentyabr 2020-ci ildə SHXÇDX-nın Quba bölməsi tərəfindən hərbi təlimlərə çağrılıb, 651 saylı hərbi hissənin tibb məntəqəsinin həkimi kimi 27 sentyabr 2020-ci ildə Azərbaycanın ərazi bütövlüyü uğrunda gedən döyüşlərə yollanıb.

 

Qəhrəman həkim Füzuli, Cəbrayıl, Xocavənd uğrunda gedən döyüşlərdə iştirak edərək, yaralı hərbiçilərə ilkin tibbi yardımın göstərilməsi və təxliyyəsində yaxından iştirak edib.

 

Azərbaycan Respublikasının Prezidenti İlham Əliyevin müvafiq sərəncamları ilə o, "Füzulinin azad olunması uğrunda", "Cəbrayılın azad olunması uğrunda" və "Xocavəndin azad olunması uğrunda" medalları ilə, həmçinin Müdafiə naziri, general-polkovnik Zakir Həsənov tərəfindən hərbi xidmətdə fərqlənməyə görə III dərəcəli medalla təltif edilib. 2020-ci il dekabrın 29-da ordudan təxris olunub.

 

Prezident İlham Əliyevin sərəncamı və Nazirlər Kabinetinin qərarı ilə 2022-ci il yanvar ayının 1-də Səməd Mahmudova "Müharibə veteranı" adı verilib.