Aztibb.az "Həkimlərimizi tanıyaq!" rubrikasında peşəkar səhiyyə işçilərini tanıtmaqda davam edir.
Rubrikamızda bu dəfə Quba Rayon Mərkəzi Xəstəxanası ASM-in şöbə müdiri Rahim Ramazanov haqqında məlumatları diqqətinizə çatdırırıq.
Rahim Ramazanov 1957-ci il aprel ayının 22-də Bakı şəhərində anadan olub. Orta təhsilini Quba rayon 2 saylı orta məktəbdə aldıqdan sonra 1974-cü ildə Nəriman Nərimanov adına Tibb Universitetinə daxil olub, 1980-cı ildə universiteti fərqlənmə diplomu ilə bitirib.
O, Xaçmaz rayon Mərkəzi Xəstəxanasında internatura keçərək Quba Rayon Mərkəzi Xəstəxanasında təyinatla həkim-terapevt kimi iş fəaliyyətinə başlayıb. Xəstəxanada Təcili tibbi yardım bölməsinin həkimi, Polikinika şöbəsində sahə terapevti, Polikinikada Terapiya şöbəsinin müdiri vəzifələrində çalışıb.
2000-ci ildə Azərbaycan Respublikasının Səhiyyə Nazirliyinin qərarı ilə Rahim Ramazanov Quba RMX-a baş həkimin müavini təyin olunub. 2020-ci ildən isə Quba RMX-nın ASM-in şöbə müdiri kimi fəaliyyət göstərir.
Həkim fəaliyyəti dövründə Quba rayon İcra Hakimiyyətinin Fəxri fərmanları və digər mükafatlarla təltif edilib.
