Dietoloqlar özlərində gözəl dad və qida dəyərini birləşdirən 6 növ meyvə seçiblər. Gündə 2 porsiya meyvə yemək orqanizmi güc və enerji ilə təmin edir. Bunun üçün qida dəyəri ən yüksək olan meyvələrə üstünlük vermək lazımdır. Təbii ki, bütün meyvələr faydalıdır və hər birinin öz üstünlüyü var.

 

Aztibb.az xəbər verir ki, həkim-endokrinoloq Fərhad Burzu bu barədə paylaşım edib.

 

Həkim bildirib ki, qaragilə giləmeyvəsinin əsas üstünlüyü antioksidantlarla zəngin olmasıdır. Yaşla əlaqədar yaddaş itkisinə qarşı profilaktik rol oynayır. Xərçəngə qarşı mübarizə aparır, hüceyrələri qoruyur. Qaragilə ürək sağlamlığına faydalıdır. Qaragilədə həll olunan liflər xolesterinin səviyyəsini aşağı salır. Tərkibində vitamin C,K, manqan mövcuddur. Bir fincan qaragilədə 84 kaloriya; 3,5 qramm lif, 14,7 qramm təbii qlükoza var.

 

Moruq da qaragilə kimi antioksidant, liflər və oksidləşdirici zərəri azaldan polifenollarla zəngindir. Tərkibində vitamin C, K, Manqan mövcuddur. Moruq həzmi yaxşılaşdırır, qanda qlükozanı tənzimləyir, çəkini azaldır. Bir fincan moruqda 64 kaloriya, 8 qramm lif, 5,4 qramm qlükoza mövcuddur.

 

Böyürtkən qaragilə və moruq kimi antioksidant, liflər, vitaminlər, minerallarla zəngindir. Qablaşdırılmış dondurma gilə meyvələri almadan əvvəl mütləq tərkibini oxuyun, bəzən şəkər əlavə edilə bilər, bu da meyvənin faydasını azaldır. Bir fincan böyürtkəndə 62 kaloriya, 7,6 qramm lif, 7 qramm şəkər mövcuddur.