“Gürcüstanda qripə yoluxma halları yenidən artıb və bu il xəstələrin əksəriyyətində “Honq Konq qripi” aşkarlanıb”.

Bu barədə Tbilisi İaşvili adına Mərkəzi Uşaq Xəstəxanasının nümayəndəsi İvane Çxaidze məlumat verib.

Onun sözlərinə görə, hazırda ölkədə H3N2 virusu yayılmaqdadır. Bununla yanaşı H1N1 virusu da təhlükə yaradır.

İ.Çxaidze deyib ki, bu il Gürcüstanda qripin yayılması çox erkən başlayıb. Həkimlər dekabr-yanvar aylarında “omikron” koronavirus ştamının yayılması ilə eyni vaxtda qripə yoluxma hallarının pik səviyyəsini gözləyirlər. Həkimlər xəbərdarlıq edir ki, qrip və koronavirusun müalicə rejimi fərqlidir, ona görə də əvvəlcədən düzgün diaqnozun qoyulması çox vacibdir.
Qripin bu il əksər hallarda, xüsusən də kiçik uşaqlarda “omikron”dan daha çətin olacağı proqnozlaşdırılır.