Aztibb.az "Həkimlərimizi tanıyaq!" rubrikasında peşəkar səhiyyə işçilərini tanıtmaqda davam edir.
Rubrikamızda bu dəfə tanınmış oftalmoloq, Biləsuvar Rayon Mərkəzi Xəstəxanasının həkimi Vəfa Məmmədova haqqında məlumatları diqqətinizə çatdırırıq.
Vəfa Yusif qızı Məmmədova 28 avqust 1963-cü ildə Biləsuvar rayonunda anadan olub. 1980-1986-cı illərdə Azərbaycan Tibb Universitetinin l Müalicə profilaktika fakültəsində təhsil alıb. 1986-1987-ci illərdə Akademik Zərifə Əliyeva adına Milli Oftalmologiya Mərkəzində internatura keçib.
O, 1987-ci ildən Biləsuvar Rayon Mərkəzi Xəstəxanasında həkim-oftalmoloq kimi fəaliyyət göstərir.
Vəfa Məmmədova, həmçinin Azərbaycan Respublikası Səfərbərlik və Hərbi Xidmətə Çağırış üzrə Dövlət Xidmətinin Biləsuvar rayon şöbəsi üzrə komissiyanın üzvüdür.
