Gəncə Şəhər Birləşmiş Xəstəxanası Perinatal Mərkəzdə Beynəlxalq Vaxtından Əvvəl Doğulmuşlar Günü qeyd olunub.
Bu barədə Aztibb.az-a Gəncə Şəhər Birləşmiş Xəstəxanasından bildirilib.
Qeyd olunub ki, tədbirin keçirilməsində əsas məqsəd vaxtından əvvəl doğulan körpələrin sağ qalması üçün səylərin artırılması, vaxtından əvvəl doğum prosesinin baş vermə riskinin minimuma endirilməsi, hamilə qadınların düzgün qidalanmaları, eləcə də onların sağlamlıqlarının qorunması üçün maddi, mənəvi və tibbi yardımın göstərilməsidir.
Tədbirdə diqqətə çatdırılıb ki, bu il Gəncə Perinatal Mərkəzdə 2733 uşaq doğulub, bunlardan 820-i vaxtından əvvəl dünyaya gəlib. Ümumilikdə isə 2022-ci ilin 10 ayı ərzində Perinatal Mərkəzin Reanimasiya və intensiv terapiya şöbəsində vaxtından əvvəl doğulmuş 1113 uşağa tibbi xidmət göstərilib və onlar müalicə aldıqdan sonra ailələrinə qovuşublar.