Aparılan araşdırmalara görə, zob (tiroid hormon) analizləri qadınlarda hamiləlik diabetinin olma riskini göstərə bilir.
Aztibb.az xəbər verir ki, həkim-endokrinoloq Fərhad Burzu bu barədə paylaşım edib.
Həkim bildirib ki, "Endocrinology Adviser" verdiyi məlumata görə, Uşaq Sağlamlığı və İnsan inkişafı Milli İnstitutunda aparılan tədqiqatlar nəticəsində hamiləliyin 2-ci trimestrində qadında ft3 və ft4 hormonlarının dəyişik olması, hamiləlik diabetinin olma riskini göstərir. Tədqiqatların nəticəsi Journal of Clinical Endocrinology & Metabolism-da dərc olunub.
"Qeyd edək ki, hamiləlik dövründə qadınlarda müalicəsiz qalan hormonal problemlər, gələcəkdə körpənin və ananın sağlamlığında ciddi ağırlaşmalara səbəb ola bilər. Bu səbəbdən hamiləlik planlaşdıran və hamilə qadınların vaxtı-vaxtında endokrin müayinələrdən keçməsi mütləqdir", - deyə Fərhad Burzu əlavə edib.
