Həkim peşəsi çox nəcib və məsuliyyətli bir işdir. Çünki, insanların sağlamlığı, bəzən isə həyatları onlardan asılı olur. Həkim öz davranışı, şəxsiyyəti, təfəkkürü ilə başqalarından fərqlənməlidir. Bütün bunlar həkimlik etikasının əsasını təşkil edir.
Aztibb.az "Həkimlərimizi tanıyaq" rubrikasında Balakən Rayon Mərkəzi Xəstəxanasının gənc cərrahı Əsgər Axundov haqqında məlumatları təqdim edir.
Əsgər Qasım oğlu Axundov 1990-cı il yanvar ayının 1-də Balakən rayonunda anadan olub. Ali təhsilini 2008-2014 cü illərdə Naxçıvan Dövlət Universitetinin Tibb fakültəsində alıb. 2014-2019-cu illərdə Azərbaycan Dövlət Həkimləri Təkmilləşdirmə İnstitutunda "ümumi cərrahiyyə" ixtisası üzrə rezidentura ali təhsil ixtisas təhsili alıb.
O, müxtəlif illərdə Türkiyə Respublikasında ixtisası üzrə rotasiyalar keçib. 2020-ci ildən Balakən Rayon Mərkəzi Xəstəxanasında ümumi cərrah kimi fəaliyyətə göstərməyə başlayıb. Hazırda Cərrahiyə şöbəsinin Əməliyyat blokunun bölmə müdiridir.
Gənc cərrah 2020-2022-ci illərdə Balakən rayon Mərkəzi Xəstəxanasında COVID-19-la mübarizədə fəal iştirak edib.
