Noyabrın 16-da saat 09:00-da "Yeni Klinika"da Vaxtından Əvvəl Doğulmuş Uşaqlar Gününə həsr olunan konfrans keçiriləcək.

 

Aztibb.az xəbər verir ki, tədbir Azərbaycan Respublikası Səhiyyə Nazirliyi, TƏBİB, K.Y.Fərəcova adına Elmi-Tədqiqat Pediatriya İnstitutu və NİYİB-in birgə təşkilatçılığı ilə baş tutacaq.

 

Konfrans Azərbaycan Respublikasının Səhiyyə Nazirliyi tərəfindən 5 DTT kredit balı ilə qiymətləndirilib.

 

Neonatoloq, mama-ginekoloq, pediatrlar üçün nəzərdə tutulan konfransın keçirilməsində əsas məqsəd vaxtından əvvəl doğulan körpələrin həyatda qalması üçün səylərin artırılması, vaxtından qabaq doğulmuşların peyvəndlənməsi, vaxtından əvvəl doğum prosesinin baş vermə riskinin minimuma endirilməsi, eləcə də onların sağlamlıqlarının qorunması üçün maddi, mənəvi və tibbi yardımın göstərilməsidir.

 

Qeyd edək ki, 2009-cu ildən etibarən Yeni Doğulmuş Uşaqlara Qayğı üzrə Avropa Fondunun təşəbbüsü ilə hər il noyabrın 17-si Ümumdünya Vaxtından Əvvəl Doğulmuş Uşaqlar Günü kimi qeyd edilir.

 

Qeydiyyat üçün əlaqə nömrəsi: (055) 739 59 95