Mərkəzi Gömrük Hospitalının pediatrı Təranə Göyüşova Şimali Kipr Respublikasının Lefkoşa şəhərində İstanbul Sağlık Bilimleri İnstitutunun təşkilatçılığı ilə keçirilən “Yenidoğulmuşa nəfəs almağa yardım etmə” simpoziumunda iştirak edib.
Aztibb.az xəbər verir ki, müxtəlif ölkələrin pediatriya sahəsində çalışan aparıcı mütəxəssislərinin iştirakı ilə keçirilən simpoziumda uşaq sağlamlığında əsas məsələlərə və problemlərə dair sessiyalar, panellər, ekspertlərlə məsləhət sessiyaları, həmçinin şifahi və poster təqdimatları keçirilib.
Həmçinin, uşaqlarda sıx görülən viral və bakterial infeksiyalar, müasir dövrdə yanaşma, antibiotiklərin düzgün istifadəsi, pandemiya dövründə uşaqlarda vaksinasiya proqramının həyata keçirilməsi yolları və digər mövzularda geniş müzakirələr aparılıb. Simpozium çərçivəsində Amerika Pediatriya Akademiyası tərəfindən “Yenidoğulmuşların ilkin reanimasiya proqramı” mövzusunda təlim kursu keçirilib.
