Ümumdünya Səhiyyə Təşkilatının (ÜST) baş elmi işçisi Soumya Svaminathan hesab edir ki, genomik texnologiyalar gələcəkdə insan sağlamlığının qorunmasında getdikcə daha mühüm rol oynayacaq, ən böyük çağırışlar isə dünyada dərman vasitələrinə bərabər çıxışın təmin edilməsi və tibbdə etika ilə bağlı olacaq.
Aztibb.az-ın məlumatına görə, bu barədə S.Svaminathan "Beş dəqiqədə elm" video proqramında deyib.
"Aydındır ki, bir çox yeniliklər, o cümlədən indi təsəvvür edə bilmədiyimiz yeniliklər olacaq", - deyə o bildirib.
O, genomik texnologiyaların xəstəliklərin qarşısının alınması və müalicəsində, həmçinin "patogenlərin izlənməsi sahəsində" getdikcə daha mühüm rol oynayacağını vurğulayıb. Bu, ətraf mühitdə patogenləri müəyyən etməyə imkan verəcəkdir.