Gəncənin Vaqif küçəsində qadın həyat yoldaşı tərəfindən işgəncələrə məruz qalıb.

Aztibb.az-ın xəbərinə görə, 1965-ci il təvəllüdlü Səttar Cəlilov həyat yoldaşı, 1982-ci il təvəllüdlü Hüsniyə Quliyevanın bədəninə və gözlərinə bıçaq xəsarətləri yetirib. Hüsniyə Quliyeva xəstəxanaya yerləşdirilib, dərhal əməliyyat edilib.

Xəstəxanadan bildirilib ki, qadının gözünün biri bu gün amputasiya ediləcək. Onun vəziyyəti ağır olaraq qiymətləndirilir.

Hadisədən sonra Səttar Cəlilov özünün ürək nahiyəsinə bıçaq xəsarəti yetirərək intihar edib.

Faktla bağlı Gəncə şəhər prokurorluğunda Cinayət Məcəlləsinin 29, 120.1 (qəsdən adam öldürməyə cəhd) və 125-ci (özünü öldürmə həddinə çatdırma) maddələri ilə cinayət işi başlanıb.

Hazırda cinayət işi üzrə zəruri istintaq tədbirləri davam etdirilir.