"Həkimlərimizi tanıyaq!" rubrikamızda oxuculara Mingəçevir Şəhər Mərkəzi Xəstəxanasının Ginekologiya-Doğum şöbəsinin Yenidoğulmuşların İntensiv Terapiya bölməsinin həkim-neonotoloqu Nazilə Eyvazovanı təqdim edirik.
Nazilə Nurəddin qızı Eyvazova 3 noyabr 1959-cu ildə Ağdam rayonunda anadan olub. 1976-1982-ci illərdə Bakı Şəhər N.Nərimanov adına Tibb İnstitutunun Pediatriya fakültəsində təhsil alıb. 1982-1983-cü illərdə Bakı Şəhər 3 saylı Uşaq Xəstəxanasında internatura keçib.
O, 1983-cü ildə Mingəçevir Şəhər Ana və Uşaq MSM-nın Poliklinika şöbəsində həkim-pediatr vəzifəsində əmək fəaliyyətinə başlayıb. 1988-ci il yanvar-fevral aylarında Ukrayna Respublikasının Xarkov şəhər Uşaq Xəstəxanasında neonotologiya üzrə kurs keçib.
Nazilə Eyvazova 1988-2005-ci illərdə Ağdam rayon Uşaq Xəstəxanasında həkim-pediatr işləyib. 2005-ci ildə Mingəçevir ŞMX-nın 2 saylı Poliklinikasında sahə-həkimi, 2017-ci ildən isə Ginekologiya-Doğum şöbəsinin Yenidoğulmuşların İntensiv Terapiya bölməsində həkim-neonotoloq vəzifəsində çalışır.