Gəncə şəhər Səhiyyə İşçiləri Həmkarlar İttifaqı Şurası tərəfindən 8 noyabr - Zəfər Günü münasibətilə tədbir keçirilib.
Yığıncağı Gəncə şəhər Birləşmiş Xəstəxanasının direktoru Nazim Əhmədov açaraq Müzəffər Azərbaycan Ordusunun Vətən müharibəsində göstərdiyi tarixi qəhrəmanlıqdan danışıb, bu qəhrəmanlığın Azərbaycanın hərb tarixinə qızıl hərflərlə həkk olunduğunu bildirib.
Sonra şəhidlərin əziz xatirəsi bir dəqiqəlik sükutla yad edilib.
Gəncə şəhər səhiyyə müəssisələrində və Tibb Kollecində çalışan şəhid ailə üzlərinə, müharibə veteranları, iştirakçıları və əlillərinə, ümumilikdə 75 nəfərə hədiyyələr təqdim olunub.
Qeyd edək ki, Zəfər Günü ilə əlaqədar Gəncə şəhər Səhiyyə İşçiləri Həmkarlar İttifaqı Şurasının təşkilatçılığı ilə Şuranın vəsaiti hesabına 11-13 noyabr tarixlərində Gəncə şəhər səhiyyə müəssisələrində və Tibb Kollecində çalışan şəhid ailə üzləri, müharibə veteranları, iştirakçıları və onların ailə üzvləri “Şəfa Qusar” istirahət mərkəzinə göndəriləcək.
