Qəbələ Rayon Mərkəzi Xəstəxanasının təşkilatçılığı ilə 8 Noyabr – Zəfər Gününə həsr olunmuş “Zəfər bizimdir” adlı tədbir keçirilib.
Əvvəlcə Dövlət Himni səsləndirilib, ərazi bütövlüyümüz uğrunda canlarından keçən şəhidlərin xatirəsi bir dəqiqəlik sükutla yad edilib.
Tədbirdə Qəbələ Rayon Mərkəzi Xəstəxanası publik hüquqi şəxsin direktoru Ceyhun Əhmədov, şəhid həkim Akşin Ənvərlinin atası Faiq Abdullayev, həkim-qazi Məhəmməd Kərimli çıxış edərək, 44 günlük Vətən müharibəsində Azərbaycan Prezidenti, Müzəffər Ali Baş Komandan İlham Əliyevin həyata keçirdiyi uğurlu siyasətin nəticəsində qazanılmış şanlı Zəfərdən, torpaqlarımızın azad olunması uğrunda gedən döyüşlərdə Azərbaycan xalqının, o cümlədən tibb işçilərinin ön və arxa cəbhələrdə göstərdikləri şücaətdən söz açıblar.
Sonda Zəfər savaşının qısa xronologiyasını əks etdirən videoçarx nümayiş olunub.
