Ana ölümlərinin qarşısının alınmasına töhfə vermək məqsədilə Lənkəran rayonunda “Azərbaycanın cənub bölgəsində təhlükəsiz analıq” adlı pilot layihə həyata keçirilib.

Aztibb.az Elmi-Tədqiqat Mamalıq və Ginekologiya İnstitutunun rəsmi feysbuk səhifəsinə istinadla bildirir ki, layihə çərçivəsində institutun mama-ginekoloqları və tibbi heyətin iştirakı ilə ana ölümünün azaldılması istiqamətində Lənkəran rayonunda fəaliyyət göstərən tibbi heyətin və tibb müəssisələrinin potensialının artırılması, klinik protokolların və metodik vəsaitlərin yenilənməsi üçün tövsiyələrin hazırlanması, uşaqlıq boynu xərçəngi və QİÇS-in müayinəsi üçün metodik vəsaitin hazırlanması, maarifləndirmə və təbliğat işləri həyata keçirilir.