Aztibb.az “Həkimlərimizi tanıyaq!” rubrikasında xoş xasiyyəti və diqqəti ilə pasiyentlərin rəğbətini qazanmış Mingəçevir Şəhər Mərkəzi Xəstəxanasının Uşaq pediartiya şöbəsinin həkim-pediatrı Şəhla Verdiyeva haqqında məlumatları təqdim edir.

Şəhla İsa qızı Verdiyeva 29 noyabr 1962-ci ildə Goranboy rayonunda anadan olub. 1981-ci ildə N.Nərimanov adına Azərbaycan Tibb İnstitutunun Pediatriya fakültəsinə daxil olub. 1987-ci ildə həmin institutu fərqlənmə diplomu ilə bitirib. 1987-1988-ci illərdə Gəncə Şəhər 2 saylı Uşaq Xəstəxanasında internatura keçib.

O, 1988-ci ildə Mingəçevir Şəhər Ana və Uşaq MSM-da sahə həkimi vəzifəsində əmək fəaliyyətinə başlayıb. 2017-ci ildən Mingəçevir ŞMX-nın Uşaq pediatriya şöbəsində həkim-pediatr vəzifəsində çalışır.

Mütəmadi olaraq kurslarda iştirak edərək bilik səviyyəsini artırmaqda davam edən peşəkar həkim, eyni zamanda, 1997-ci ildən Mingəçevir Şəhər Tibb Kollecində pedaqoji fəaliyyət göstərir.