Yevlax Rayon Polis Şöbəsinin (RPŞ) təşkilatçılığı ilə rayonun 9 nömrəli tam orta məktəbində şagirdlərlə “Narkomaniya ümumbəşəri bəladır” və “Erkən nikah və onun fəsadları” mövzularında görüş keçirilib.
Tədbirdə çıxış edən RPŞ-nin rəisi, polis polkovniki Elnur Mehdiyev şagirdlərə narkomaniya və onun fəsadları ilə bağlı geniş məlumat verib, “ağ ölüm”ün ailə və cəmiyyət üçün yaratdığı ciddi problemləri diqqətə çatdırıb. Narkomaniyanın qarşısının alınması istiqamətində görülən genişmiqyaslı tədbirlərdən də bəhs edib.
Erkən nikahın səbəb olduğu problemlərdən söhbət açan E.Mehdiyev, hər bir uşağın yaşamaq, təhsil almaq, müdafiə olunmaq hüquqları olduğunu vurğulayıb. Qeyd edib ki, hər bir şagird öz hüquq və vəzifələrini bilməli, zərərli vərdişlərdən uzaq durmalıdır.
Sonda iştirakçıları maraqlandıran suallar cavablandırılıb.