Livanda ötən sutka ərzində vəba vibrionuna daha 8 yoluxma halı qeydə alınıb və yoluxanların ümumi sayı 26-ya çatıb.

Aztibb.az xəbər verir ki, bu barədə ölkənin Səhiyyə Nazirliyinin məlumatında deyilir.

Məlumata əsasən, oktyabrın 12-də yoluxanlardan 1 nəfər vəfat edib. Ölüm halı ölkənin şimalında qeydə alınıb.

"Vəba xəstəliyinin yayılmasının qarşısının alınması ilə mübarizə üçün səlahiyyətli orqanlar tərəfindən görülən bütün tədbirlərə baxmayaraq, yoluxma hallarının sayı hər gün artır", - deyə Nazirlikdən bildirilir.