“Həkimlərimizi tanıyaq!” rubrikamızda oxuculara diqqəti ilə pasiyentlərin rəğbətini qazanmış Mingəçevir Şəhər Mərkəzi Xəstəxanasının Anesteziologiya və Reanimasiya şöbəsinin anestezioloq-reanimatoloqu Könül Həsənxanova haqqında məlumatları təqdim edirik.

Könül Rafiq qızı Həsənxanova 12 iyun 1970-ci ildə Yevlax rayonunda anadan olub. 1988-1995-ci ildə N.Nərimanov adına Azərbaycan Tibb İnstitutunun Müalicə-profilaktika fakültəsində təhsil alıb. 1995-1996-cı illərdə Mingəçevir ŞMX-nın Reanimasiya şöbəsində internatura keçib. O, 1996-cı ildən Mingəçevir ŞMX-nın Anesteziologiya və Reanimasiya şöbəsində həkim anestezioloq-reanimatoloq vəzifəsində əmək fəaliyyətinə başlayıb və hazırda da fəaliyyətini uğurla davam etdirir.