Səhiyyə Nazirliyi, Tibbi Ərazi Bölmələrinin İdarəetmə Birliyi (TƏBİB), Milli Onkologiya Mərkəzi (MOM) və “Regional İnkişaf” İctimai Birliyinin (RİİB) birgə təşkilatçılığı ilə Süd vəzisi xərçəngi ilə mübarizə ayı çərçivəsində regionlarda profilaktik müayinə və maarifləndirmə aksiyalarına start verilib.

Layihənin çərçivəsində oktyabrın 8-də Gəncə Dövlət Filarmoniyasında “Süd vəzisi xəstəliklərinin müasir müayinə və müalicəsi“ mövzusunda elmi-praktik konfrans keçirilib.

Konfransda Səhiyyə Nazirliyi, Tibbi Ərazi Bölmələrini İdaretmə Birliyi, Milli Onkologiya Mərkəzinin mütəxəssisləri, eləcə də Gəncə şəhəri, Goranboy, Göygöl, Samux, Gədəbəy, Daşkəsən, Şəmkir, Tovuz, Ağstafa, Qazax və Naftalan rayonlarında çalışan 100-ə yaxın onkoloq, ginekoloq, uroloq və cərrah iştirak edib.

Oktyabrın 7-də isə Gəncə şəhər Onkoloji Xəstəxanasında qadınlar arasında süd vəzisi xəstəlikləri üzrə profilaktik müayinələr aparılıb. Müayinələr ümumilikdə 150-dən çox sakini əhatə edib.