Aztibb.az-ın "Həkimlərimizi tanıyaq!" rubrikasında oxucularımıza Abbas Səhhət adına Xəstəxananın şüa-diaqnostika üzrə həkimi Mehriban Nağıyevanı təqdim edirik.

Mehriban Aydın qızı Nağıyeva 1963-cü ildə Gəncə şəhərində anadan olub. 1981-1987-ci illərdə Azərbaycan Tibb Universitetində təhsil alıb. 1987-1988-ci illərdə həkim-interna terapevt kimi fəaliyyət göstərib.

Daha sonra o, Gəncə şəhər 4 nömrəli poliklinikada sahə həkimi vəzifəsində çalışıb. 2002-ci ildə Abbas Səhhət adına Xəstəxananın Qəbul şöbəsində fəaliyyətini davam etdirib, 2005-ci ildə isə bu xəstəxanada şüa-diaqnostika üzrə həkim kimi çalışmağa başlayıb. Bir müddət işinə fasilə verən Mehriban Nağıyeva fəaliyyətini yenə Abbas Səhhət adına Xəstəxananın Radiologiya şöbəsində şüa-diaqnostika üzrə həkim kimi davam etdirir.