Miçiqan Universiteti tədqiqatçıları tərəfindən aparılan araşdırma COVID-19 xəstələrinin böyrək zədələnmə riski ilə qarşılaşa biləcəyini aşkara çıxarıb.

Aztibb.az mediamagazin.com.tr-yə istinadla xəbər verir ki, "Journal of the American Society of Nephrology"də dərc olunan tədqiqatın nəticələri COVID-19 xəstələrinin üçdə birindən çoxunun dializə ehtiyacı olduğunu göstərir. Tədqiqat qrupu COVID-19 xəstəxanasına yerləşdirilən 352 iştirakçının böyrək zədələnməsinə səbəb olduğu bilinən suPAR (Soluble urokinase plasminogen activator) səviyyələrini yoxlayıb. İştirakçıların dörddə biri xəstəxanada müalicə müddətində kəskin böyrək zədələnməsi alıb və orta suPAR səviyyəsi iştirakçıların qalan hissəsindən 60 faiz yüksək olub. Ən yüksək suPAR səviyyəsinə malik xəstələrin dializə ehtiyacı 20 dəfə çox olub.

Ümumiyyətlə, ağır COVID-19 səbəbi ilə xəstəxanaya yerləşdirilən iştirakçıların orta suPAR səviyyəsi sağlam insandan 3 dəfə çox olur.

Miçiqan Universitetinin kardiologiya üzrə professoru Salim Hayek COVID-19 xəstələrində suPAR səviyyəsinin müəyyən olunmasının erkən diaqnoz üçün son dərəcə vacib amil olacağını vurğulayıb.