Akademik Zülfüqar Məmmədov adına Xəstəxanada tibb bacıları üçün "Tibbi deontologiya" mövzusunda təlim keçirilib.
Aztibb.az-a verilən məlumata görə, təlimdə xəstəxananın acil, cərrahiyyə şöbələrinin tibb bacıları, eyni zamanda Kardioloji xəstəxananın əməkdaşları iştirak ediblər.
İlk olaraq təlimçi Aygün Salahova tibbi deontologiya barədə danışıb, vətəndaş məmnunluğunun artırılması istiqamətində zəruri tədbirlərin görülməsi, eləcə də vətəndaşların qəbulu zamanı həyata keçirilməli prosedur qaydaları barədə məlumat verib.
Daha sonra A.Səhhət adına Xəstəxananın Cərrahiyyə şöbəsinin böyük tibb bacısı Almara Vəliyeva “İlkin tibbi yardım, təməl yaşam dəstəyi, qapalı ürək masajı” mövzusunda təqdimatla çıxış edib.
Tədbir mövzu ətrafında müzakirələrlə davam edib, iştirakçıları maraqlandıran suallar cavablandırılıb.
Tibb bacılarının bilik və bacarıqlarının artırılması məqsədilə təşkil edilən bu cür təlimlərin digər tibb müəssisələrində də keçirilməsi planlaşdırılır.
