BMT-nin Baş katibi: ilin sonuna qədər pandemiyaya qalib gələ bilərik
26.09.2022 11:10

Vaksinasiya, testləşdirmə və xəstəliyin yeni yayılma hallarını dəf etməyə hazırolma məsələlərində bərabərsizliyin öhdəsindən gəlindiyi təqdirdə bəşəriyyət ilin sonuna qədər pandemiyaya qalib gələ bilər. Bu barədə BMT-nin Baş katibi BMT-nin Baş Assambleyasının 77-ci sessiyasında COVID-19-la mübarizəyə həsr olunan yüksək səviyyəli tədbirdə çıxış edərək bildirib.

Aztibb.az BMT-nin Xəbərlər xidmətinə istinadla bildirir ki, Baş katib Antonio Quterreş Baş Assambleyanın pandemiya dövründə keçirilən artıq üçüncü sessiya oldu]unu xatırladıb. O qeyd edib ki, COVID-19-un yayılması dünyada çoxlu sayda problem yaradıb, milyonlarla insanın həyatını ağırlaşdırıb. Quterreşin sözlərinə görə tibb işçilərinin qəhrəman səylərinə baxmayaraq, dünya pandemiyanın dağıdıcı nəticələrinə tamamilə hazır deyildi. “Bəlalın heç kimdən yan keçməməsinə baxmayaraq, aşağı və orta gəlirli ölkələr daha çox ziyana uğrayıb”, – deyə BMT rəhbəri əlavə edib.

Eyni zamanda, Baş katib vurğulayıb ki, bəzi nailiyyətlər “güc artıran” ümid verirlər. Onların arasında – əhalinin, o cümlədən xəstəliyə ən həssas qrupların peyvənd göstəricilərinin artması. Yalnız əsasən humanitar böhran yaşayan on ölkədə hazırda peyvəndlə əhatə on faizdən azdır. Orta hesabla, ölkələrdə tibb işçilərinin və yaşlıların təxminən 75 faizinin peyvənd olunmasına nail olunub.

Bundan başqa, testləşdirmə və vaksinasiya ilə birlikdə bu infeksiya qarşısında ən həssas olan əhali qrupları arasında COVID-19-dan ölüm göstəricilərini azaltmağa kömək edən effektiv antivirus preparatlar hazırlanıb. "Lakin bu vəsaitlərin hamı üçün əlçatan olmasını təmin etmək lazımdır", - deyə BMT rəhbəri vurğulayıb.

“Əldə edilən uğur göstərir ki, virus müalicə oluna bilər, biz insanların həyatını xilas edə bilərik. Biz hətta yüksək risk qrupları arasında belə infeksiyanı nəzarət altına ala bilərik”, - deyə o, əlavə edib.

Eyni zamanda, BMT-nin Baş katibi xəbərdarlıq edib ki, virus üzərində tam qələbəyə nail olmaq üçün bir neçə problemin öhdəsindən gəlmək lazımdır.

Birincisi, peyvəndlərin buster dozaları ilə təmin edilməsi sahəsində. Məsələn, yoxsul ölkələrdə tibb işçilərinin yalnız üçdə birindən bir qədər çoxu əlavə vaksinlər alıb.

İkincisi - göstəriciləri bütün dünyada azalan testləşdirmə. Bu yeni ştamların yaranmasına yol açır və mövcud müalicələrin effektivliyini təhlükə altına qoyur.

Üçüncüsü - mümkün yeni təhlükələrin dəf edilməsinə hazırlaşmaq lazımdır – bunun üçün erkən xəbərdarlıq sistemlərinə sərmayə qoymaq, yerlərdə müalicə və diaqnostika vasitələrinin istehsal edilməsi üzrə imkanları genişləndirmək və tibb işçilərinə qayğı göstərmək lazımdır. "Biz bir daha heç vaxt böhran qarşısında hazırlıqsız olmamalıyıq", - deyə BMT rəhbəri vurğulayıb. O, görüş iştirakçılarını lazımi işi başa çatdırmağa və COVID-19-u məğlub etməyə çağırıb.

Ümumdünya Səhiyyə Təşkilatının Baş direktoru Tedros Qebreyesus təsdiqləyib ki, pandemiyaya son qoymaq şansları heç vaxt indiki qədər yüksək olmayıb. O da bərabərsizliyi xatırladıb və vaksinasiya göstəricilərində, müalicə üçün preparatlarla təminatda və gələcək fəlakətlərə hazırlıq səviyyəsində mövcud fərqi aradan qaldırmağa çağırıb.

ÇOX OXUNANLAR
Qaraciyərin düzgün işləməməsinin ƏLAMƏTLƏRİ  
Təbii vasitə 12 həftə ərzində 8 kiloqrama qədər arıqladır
Buğda cücərtisi gənclik iksiri kimi də bilinir
Təcili tibbi yardım briqadasının yardımı ilə 66 yaşlı xəstə Mərkəzi Klinik Xəstəxanaya hospitalizasiya olunub
Şuşa Rayon Mərkəzi Xəstəxanasının ginekoloqu Şəbnəm Baxşəliyeva - Həkimlərimizi tanıyaq!
Şahdamara stend taxıla bilərmi?
Masallı Rayon Mərkəzi Xəstəxanasının otorinolarinqoloqu Kamran Musayev - Həkimlərimizi tanıyaq!
Sürətli döyüntünün tək səbəbi ürək deyil!
Uşaq cərrahı Günel Əmiraslanova Şəkidə Bonum Medicalda pasiyent qəbulu həyata keçirəcək
Böyrək daşı xəstəliyi nədir və necə yaranır?
Regionlarda fəaliyyət göstərən peşəkar səhiyyə işçilərini tanıtmaqda davam edirik!
Ağır vəziyyətdə Respublika Uşaq Klinik Xəstəxanasına yerləşdirilən 2 yaşlı uşaq həyata qaytarılıb
Qastroezofageal reflüks xəstəliyindən əziyyət çəkən pasiyent Diaqnoz Tibb Mərkəzində sağlamlığına qovuşub
Naftalan Şəhər Mərkəzi Xəstəxanasının nevroloqu Təranə Bayramova - Həkimlərimizi tanıyaq!