“Həkimlərimizi tanıyaq!” rubrikası təqdim edir: Uzman həkim Əli Dadaşov
23.09.2022 10:52
Aztibb.az “Həkimlərimizi tanıyaq!” rubrikasında xoş xasiyyəti və diqqəti ilə pasiyentlərin rəğbətini qazanmış, yüksəkixtisaslı radiloq, uzman həkim Əli Dadaşov haqqında məlumatları təqdim edir.
 
Əli Məhəmməd oğlu Dadaşov 5 yanvar 1984-cü ildə Bakı şəhərində anadan olub. 2000-2006-cı illərdə Azərbaycan Tibb Universitetinin Hərbi tibb fakültəsində təhsil alıb. 2011-2013-cü illərdə təhsilini Türkiyə Cümhuriyyətinin paytaxtı Ankara şəhərində Gülhanə Hərbi Tibb Akademiyasında "İnvaziv radialogiya" ixtisası üzrə davam etdirib. 2013-2018-ci illərdə isə Türkiyənin Sağlamlıq Elmləri Universitetində uzmanlıq təhsili alıb.
 
İnvaziv radioloq Ə.Dadaşov Azərbaycan Tibb Universitetinin Şüa-diaqnostika fakültəsinin doktorantıdır. Avropa Radioloqlar Cəmiyyətinin və Türk Radioloji Dərnəyinin üzvüdür.
 
O, 2018-2022-ci illərdə Gəncədəki özəl xəstəxanaların birində həkim-radioloq vəzifəsində çalışıb. Hazırda fəaliyyətini Akademik Z.Məmmədov adına Xəstəxananın Radiologiya şöbəsində həkim-rentgenoloq kimi davam etdirir.