Aztibb.az "Həkimlərimizi tanıyaq!" rubrikasında peşəkar həkimlərimizi tanıtmaqda davam edir.
Ülvi Məhərrəm oğlu Abbasov 22 yanvar 1973-cü ildə Biləsuvar rayonunun Əliabad kəndində anadan olub. 1989-1996-cı illərdə N.Nərimanov adına Azərbaycan Tibb İnstitutunun l Müalicə-profilaktika fakültəsində təhsil alıb. 1996-2000-ci illərdə Naxçıvanda "N" saylı hərbi hissədə hərbi həkim kimi fəaliyyət göstərib.
O, 2000-2002-ci illərdə Biləsuvar Rayon Mərkəzi Xəstəxanasında Təcili tibbi yardım həkimi kimi işləyib. 2002-2008-ci illərdə Bakı şəhəri 20 saylı Şəhər Poliklinikasında səyyar həkim, 2008-2018-ci illərdə isə Xüsusi Dövlət Mühafizə Xidmətində Tibb bölməsinin rəisi vəzifəsində çalışıb. 2019-cu ildən Biləsuvar Rayon Mərkəzi Xəstəxanasında Təcili tibbi yardım şöbəsində səyyar həkim, 2022-ci ildən isə "Biləsuvar Rayon Mərkəzi Xəstəxanası" Publik Hüquqi ŞəxsinTəcili tibbi yardım şöbəsinin müdiri kimi fəaliyyət göstərir.
