“Həkimlərimizi tanıyaq!” rubrikamızda oxuculara zəngin iş təcrübəsinə malik peşəkar həkim, Mingəçevir Şəhər Mərkəzi Xəstəxanasının Reanimasiya şöbəsinin həkim-anestezioloqu Leyla Abbasova haqqında məlumatları təqdim edirik.

Leyla Ənvər qızı Abbasova 09 noyabr 1969-cu ildə Oğuz rayonunda anadan olub. 1989-1995-ci illərdə Azərbaycan Tibb Universitetinin Müalicə-profilaktika fakültəsində təhsil alıb. O, 1995-ci ildə Mingəçevir ŞMX-nın Reanimasiya şöbəsində internatura keçib. 1996-cı ildən həmin şöbədə anestezioloq-reanimatoloq vəzifəsində əmək fəaliyyətinə başlayıb və vəzifəsini bugünədək peşəkarcasına davam etdirir.