Türkiyə Respublikasından ölkəmizə gəlmiş bir qrup peşəkar klinik-psixoloq və psixoterapevt tərəfindən Qəbələdə qazilər və şəhid ailələrinin üzvləri üçün reabilitasiya tədbirləri davam etdirilir.
Fövqəladə Hallar Nazirliyinin dəvəti ilə Türkiyə Respublikasından ölkəmizə gəlmiş peşəkar klinik-psixoloq və psixoterapevtlər nazirliyin psixoloqları ilə birlikdə sentyabrın 5-dən başlayaraq Qəbələ rayon modul tipli xəstəxanada Vətən müharibəsi ilə bağlı psixoloji problemlər yaşayan qazilər və şəhid ailələrinin üzvləri üçün reabilitasiya işləri aparırlar.
Göstərilən xidmətlərdən indiyədək 59 nəfər istifadə edib.
Reabilitasiya xidmətlərindən yararlanan qazi və şəhid ailələrinin üzvləri onlara göstərilən diqqət və qayğıya görə ölkə rəhbərliyinə minnətdarlıqlarını bildirirlər.
