“Həkimlərimizi tanıyaq!” rubrikamızda sizlərə pasiyentləri arasında böyük rəğbət qazanmış "Mingəçevir Şəhər Mərkəzi Xəstəxanası" Publik Hüquqi Şəxsin Hemodializ şöbəsinin həkim-nefroloqu Rəmzi Heydərov haqqında məlumatları təqdim edirik. 

Rəmzi Ramiz oğlu Heydərov 18 sentyabr 1987-ci ildə Mingəçevir şəhərində anadan olub. 2005-2011-ci illərdə Azərbaycan Tibb Universitetinin Müalicə işi üzrə fakültəsində təhsil alıb. 2011-2014-cü illərdə Türkiyə Respublikasının Ondokuz Mayıs Universitetində tibbi terapiya ixtisası üzrə kurs keçib.

O, 2018-ci ildə Yevlax Mərkəzi Xəstəxanası TTTYS-da həkim-terapevt vəzifəsində çalışıb. 2018-ci ildə 1 Saylı Kliniki Tibbi Mərkəzdə həkim-nefroloq üzrə kurs keçib. 2018-ci ildə Yevlax ŞMX-nın Hemodializ şöbəsində həkim-nefroloq işləyib. 2019-cu ildən Mingəçevir ŞMX-nın Hemodializ şöbəsində həkim-nefroloq kimi fəaliyyətini davam etdirir.

Gənc həkim Rəmzi Heydərov mütəmadi olaraq elmi-praktik konfranslarda, seminarlarda, kurslarda iştirak edərək, ixtisası üzrə yeni biliklərə yiyələnir.