“Həkimlərimizi tanıyaq!” rubrikamızda saytımızın oxucularına zəngin iş təcrübəsinə malik peşəkar həkim, Mingəçevir Şəhər Mərkəzi Xəstəxanasının 1 Saylı Ailə Sağlamlıq Mərkəzinin pediatrı Aynurə Qurbanova haqqında məlumatları təqdim edirik.

Aynurə Məzahir qızı Qurbanova 27 mart 1979-cu ildə Bakı şəhərində anadan olub. 1996-2002-ci illərdə Azərbaycan Tibb Universitetinin Pediatriya fakültəsində təhsil alıb. 2002-2003-cü illərdə Bakı şəhər AzərSuTikinti Xəstəxanasında internatura keçib.

O, 2003-cü ildə Bakı şəhər 19 Saylı Uşaq Poliklinikasında həkim-pediatr kimi əmək fəaliyyətinə başlayıb. 2009-cu ildə Mingəçevir ŞMX-nın 2-Saylı Poliklinikasında sahə həkimi işləyib. 2022-ci ildən Mingəçevir ŞMX-nın 1 Saylı ASM-də həkim-pediatr vəzifəsində çalışır.