Ucar rayonunun Bərgüşad kəndində yeni tikilən Ailə Sağlamlıq Mərkəzi (ASM) istifadəyə verilib.

TƏBİB-dən Aztibb.az-a verilən məlumata görə, yeni istifadəyə verilən ASM-də ailə həkimi, stomatoloji və manipulyasiya kabinetləri, peyvənd otağı fəaliyyət göstərir.

ASM-də göstəriləcək tibbi xidmətlərdən Bərgüşad (7000 nəfər) kəndi ilə yanaşı, Bayman (2500 nəfər) və Yuxarı Şilyan kənd (3500 nəfər) sakinləri də yararlana biləcəklər.

Yaponiyanın Azərbaycandakı səfirliyinin “Ot kökü və insan təhlükəsizliyi” Qrant layihəsi çərçivəsində tikilən ASM-in təchizatı Ucar Rayon Mərkəzi Xəstəxanası tərəfindən həyata keçirilib.

Məntəqənin açılış mərasimində Yaponiyanın Azərbaycan Respublikasındakı Fövqəladə və Səlahiyyətli səfiri, TƏBİB-in Tibbi fəaliyyətin təşkili departamentinin məsul əməkdaşları Pərviz Rüstəmbəyov, Rasim Tahirli, Ucar Rayon İcra Hakimiyyətinin başçısı, Ucar Rayon Mərkəzi Xəstəxanasının rəhbər şəxsləri və b. iştirak ediblər.