Zahid Zeynalabdin oğlu Tağıyev 2 iyul 1990-cı ildə anadan olub. Ali təhsilini Gəncə Dövlət Universitetində (GDU) alan Zahid Tağıyev Bakıda insanlararası münasibətlər, insan tanıma resursları və digər sahələrdə təcrübə keçib, eyni zamanda bir çox beynəlxalq dərəcəli ixtisas artırma təlimlərində, Ümumdünya Səhiyyə Təşkilatı və Tibbi Ərazi Bölmələrini İdarəetmə Birliyinin (TƏBİB) dəstəyi ilə dünyaca məşhur universitetlərin (Kolumbiya Universiteti - Müəllimlər Kolleci, Sankt-Peterburq V.M.Bexteryev adına Psixonevrologiya İnstitutu, Ankara Universiteti və s.) yay məktəblərində, tədris proqramlarında uğurla iştirak edib.

 

O, 2021-ci ildə TƏBİB-in Psixoloji Dəstək Xidməti komandası ilə müharibə iştirakçıları, qazilər, şəhid ailələri və terrordan zərər çəkənlər qruplarına psixoloji dəstək göstərib. Zahid Tağıyev 2014-cü ildən Düşüncə və davranış terapiyası proqramını (Sankt-Peterburq V. M. Bexteryev adına Psixonevrologiya İnstitutu), 2021-2022-ci illər ərzində isə EMDR terapiya sertifikatlaşdırılan təlimin (EMDR Avropa) iki modulunu da tamamlayaraq hər iki terapiya üzrə psixoterapevt statusunu qazanıb.

 

Zahid Tağıyev 2011-ci ildə regionda ilk psixologiya mərkəzini təsis edib. 2015-ci ildə Daşkəsən rayon Əmirvar kənd məktəbində psixoloq, 2016-2019-cu illər ərzində psixoloji mərkəzdə təlimçi və psixoloq vəzifələrində çalışıb. Hazırda Gəncə Şəhər Birləşmiş Xəstəxanasında psixoloq işləyir.