Bu gün Gəncə Şəhər Birləşmiş Xəstəxanasının direktoru Nazim Əhmədovun 65 yaşı tamam olur.

Aztibb.az xəbər verir ki, Nazim Məmməd oğlu Əhmədov 1958-ci ildə Gəncə şəhərində anadan olub. O, 1975-ci ildə Azərbaycan Dövlət Tibb İnstitutuna daxil olub, 1981-ci ildə ali məktəbi fərqlənmə diplomu ilə bitirib.

1982-1986-ci illərdə Rusiyanın Penza vilayətinin Belinsk şəhərində sahə həkimi, daha sonra Terapiya şöbəsində həkim və şöbə müdiri kimi fəaliyyət göstərib. 

Nazim Əhmədov 1986-1992-ci illərdə Gəncə şəhər təcili tibbi yardım xəstəxanasında həkim-terapevt, 1992-2006-ci illərdə isə həmin şöbənin müdiri vəzifəsində çalışıb. 2006-cı ildən Abbas Səhhət adına 1 saylı xəstəxananın baş həkimi kimi fəaliyyət göstərib. O, 1998-ci ildən Gəncə Səhiyyə İdarəsinin baş terapevtidir.

Eyni zamanda, 1996-cı ildən Yeni Azərbaycan Partiyasının üzvüdür.

Nazim Əhmədovu doğum günü münasibətilə Aztibb.az səhiyyə portalı adından təbrik edir, ona möhkəm cansağlığı və fəaliyyətində uğurlar arzulayırıq!