Banan sağlam saçlar, dırnaqlar, güclü sinir sistemi və ürək üçün faydalıdır. Bananın tərkibində, sinir sistemi üçün vacib olan B qrup vitaminləri, eləcə də zəruri olan maqnezium da var.

Aztibb.az xəbər verir ki, bunu həkim-diyetoloq Marina Makişa “İzvestiya” qəzetinə müsahibəsində deyib.

O bildirib ki, bananın tərkibində məhz tərəvəz və meyvələrdə olan kalium da var. O, ürək-damar sistemi və ürək əzələsinin normal daralması üçün vacibdir.

“Bundan başqa bananın tərkibində silisium da mövcuddur. Bu mikroelement gözəl saçlar, möhkəm dırnaqların olması üçün çox faydalıdır. O, həmçinin kollagen və dəri hüceyrələrinin yaradılmasında iştirak edir”, - deyə diyetoloq əlavə edib.

Bundan əlavə, bananlarda mikroflora üçün faydalı pektinlər var. İnsanın yaxşı mikrofloranı qorumaq üçün həll olunan lifə ehtiyacı var və bu da bananda mövcuddur.

Bananlarda çox miqdarda karbohidratın olduğu da nəzərə alınmalıdır. Pəhrizdə olanlara buna diqqət yetirməyə dəyər. Ancaq bu, banandan tamamilə imtina etmək üçün səbəb deyil. Məsələn, gündə bir dənəsi ilə kifayətlənə bilərsiniz.

“Bədən ölçülərinə nəzarət edənlər üçün yaşıl bananları seçmək daha yaxşıdır, çünki yaşıl bananların daha davamlı nişastası var”, – deyə diyetoloq məsləhət verib. Qeyd edib ki, zərərli şəkərdən istifadə etməmək üçün banandan desertlərdə istifadə etmək olar.