İsveçin tanınmış dietoloqu Kristina Andersson insanlar üçün faydalı və ucuz məhsulların adlarını açıqlayıb.

Aztibb.az bu barədə rambler.ru resurusuna istinadla xəbər verir.

Həkimin sözlərinə görə, meyvə rasionuna ilk öncə soğanı əlavə etmək lazımdır. Çünki onun tərkibində vitaminlər, faydalı maddələr mövcuddur və bakterisid effektə malikdir. Qırmızı soğan xüsusən antioksidantlarla zəngindir.

Kristina Andersson qeyd edib ki, kələm də bu siyahıda ön sıralardadır. Kələm orqanizmi xərçəngdən müdafiə edən maddələri özündə saxlayır. Bu halda mədə problemlərindən əzab çəkən insanlar da kələmdən istifadə etməlidir, amma kələm çiy halda yeyilməməlidir.

Bundan əlavə, dietoloq kartof və tərkibində bir çox mineralların olduğu yerköküdən, çuğundurdan, tərəvəzlərdən istifadə etməyi məsləhət görüb.