"Həkimlərimizi tanıyaq" rubrikasının budəfəki qonağı Mingəçevir Şəhər Mərkəzi Xəstəxanasının 1 saylı Ailə Sağlamlıq Mərkəzinin həkim-terapevti Fəridə Rəşidzadədir.
Fəridə Tofik qızı Rəşidzadə 06 avqust 1993-cü ildə Mingəçevir şəhərində anadan olub. 2011-ci ildə Rusiya Federasiyasının Mordoviya Dövlət Tibb Universitetinin Müalicə-profilaktika fakültəsinə daxil olub. 2017-ci ildə Rusiya Federasiyası Səhiyyə Nazirliyinin təşkil etdiyi Akkreditasiyadan uğurla keçərək mama-ginekologiya ixtisası üzrə kliniki ordinaturaya qəbul olunub və 2019-cu ildə fərqlənmə diplomu ilə bitirib.
O, Rusiya Federasiyasının və Azərbaycan Respublikasının təşkil etdiyi bir sıra elmi konfransların iştirakçısıdır. Gənc həkimin çoxlu sayda sertifikatları var.
Fəridə Rəşidzadə 2022-ci ildə Mingəçevir ŞMX-nın 1 saylı Ailə Sağlamlıq Mərkəzində ailə həkimi vəzifəsində əmək fəaliyyətinə başlayıb.
