"Həkimlərimizi tanıyaq" rubrikasının budəfəki qonağı Mingəçevir Şəhər Mərkəzi Xəstəxanasının həkimi Seymur Niftəliyevdir.

 

Aztibb.az xəbər verir ki, Seymur Telman oğlu Niftəliyev 1986-cı ildə Rusiya Federasiyasının Tumen şəhərində anadan olub. 2004-2010-cu illərdə Rusiya Federasiyasının Omsk şəhərində Dövlət Tibb Akademiyasını qırmızı diplomla bitirib. 2010-2011-ci illərdə RF Tomsk Sibir Tibb Dövlət Universitetinin Cərrahiyyə şöbəsində internatura keçib.

 

O, 2011-2016-ci ildə Novıy Urenqoy şəhər Xəstəxanasının cərrahiyyə şöbəsində cərrah kimi fəaliyyət göstərib. 2016-cı ildə Peterburq şəhərində tibbin onkologiya sahəsi üzrə kurs keçərək ixtisasını artırıb və 2016-2019-cu illərdə onkoloq cərrah kimi fəaliyyətini davam etdirib. Seymur Niftəliyev 2019-cu ildən Mingəçevir ŞMX-nın Cərrahiyyə şöbəsində çalışır.

 

Gənc cərrah tibbin yeniliklərinə daha dərindən yiyələnmək məqsədilə mütəmadi olaraq elmi konfrans və seminarlarda iştirak edir. O, 2022-ci ilin fevral-iyul aylarında Türkiyə Respublikası Edirnə şəhəri Trakya Balkan Tip fakültəsində daha bir təkmişlləşmə kursu keçib.

 

Hazırda Mingəçevir ŞMX-nın peşəkar cərrahı Seymur Niftəliyev ümumi qarın boşluğu əməliyyatları, rekonstruktiv, onkoloji əməliyyatlar, qaraciyər, öd yolu əməliyyatları, total və hissəvi qastrektomiya, nazik və yoğun bağırsaq əməliyyatları – hemikolektomiya sağ və sol tərəfli D2 və D3 limfodisseksiya, eləcə də ginekoloji əməliyyatlar - histerektomiya, pelvik limfodisseksiya, peritonarxası onkoloji və digər cərrahi əməliyyataları icra edir.