“Həkimlərimizi tanıyaq!” rubrikamızda saytımızın oxucularına zəngin iş təcrübəsinə malik peşəkar həkim, Mingəçevir Şəhər Mərkəzi Xəstəxanasının Poliklinika şöbəsinin oftalmoloqu Nuriyyə İsmayılova haqqında məlumatları təqdim edirik.

 

 

Nuriyyə Müzəffər qızı İsmayılova 23 iyul 1959-cu ildə Yevlax rayonunda anadan olub. 1976-1982-ci illərdə Azərbaycan Tibb Universitetinin Pediatriya fakültəsində təhsil alıb. 1983-cü ildə 1 saylı Şəhər Klinik Xəstəxanasında (Semaşko) internatura keçib.

 

O, Azərbaycan Dövlət Həkimləri Təkmilləşdirmə İnstitutunda Göz xəstəlikləri üzrə təkmilləşmə kursu keçərək oftalmoloq ixtisası alıb.

 

1984-cü ildə Mingəçevir ŞMX-nın “Ana və Uşaq” MSM-nin Poliklinika şöbəsində həkim-oftalmoloq kimi əmək fəaliyyətinə başlayıb. 2015-ci ildən Mingəçevir ŞMX-nın Poliklinika şöbəsində fəaliyyətini davam etdirir.

 

Qeyd edək ki, Nuriyyə İsmayılova 1993-cü ildə Azərbaycan Respublikasının ərazi bütövlüyü uğrunda gedən döyüşlərdə Ağdərə bölgəsi istiqamətində şəhid olmuş Noel Ahəngarinin həyat yoldaşıdır.