Səhiyyə Nazirliyi İctimai Səhiyyə və İslahatlar Mərkəzi (İSİM) və “UPTODATE in Medicine”-nın birgə əməkdaşlığı çərçivəsində Şəki şəhərində pediatrik reanimasiyaya dəstək məqsədilə Amerika Ürək Assosiasiyasının (AHA) Pediatrik Təkmil Həyata dəstək PALS təlimi baş tutub.

Təlimdə Zaqatala, Balakən və digər qonşu bölgələrin ixtisas həkimləri, eyni zamanda, neonatoloqlar iştirak ediblər.

Təlim İSİM-in əməkdaşı, eyni zamanda Amerika Ürək Assosiasiyasının ACLS, PALS, BLS üzrə beynəlxalq sertifikatlı təlimçisi Könül İsmayılova tərəfindən aparılıb.

İki gün davam edən təlimdə pediatrik təcili yardımın əsasları ilə bağlı həm nəzəri, həm də praktik bacarıqlar öyrədilib.

Sonda iştirakçılar test imtahanlarının nəticələri əsasında beynəlxalq sertifikat əldə ediblər.