Səhiyyə Nazirliyinin İctimai Səhiyyə və İslahatlar Mərkəzi (İSİM) və “Uptode in Medicine” ilə əməkdaşlıq çərçivəsində Lənkəran şəhərində pediatrik reanimasiyaya dəstək məqsədilə Amerika Ürək  Assosiasiyasının (AHA) Pediatrik Təkmil Həyata dəstək PALS təlimi baş tutub.

 

Təlimdə Lənkəran Perinatal Mərkəzin həkimləri, o cümlədən pediatrlar, neonatoloqlar iştirak ediblər.  Təlim İSİM-in həkim-metodisti, eyni zamanda Amerika Ürək Assosiasiyasının ACLS, PALS, BLS üzrə beynəlxalq sertifikatlı təlimçisi Könül İsmayılova tərəfindən aparılıb. İki gün davam edən təlimdə pediatrik təcili yardımın əsasları ilə bağlı həm nəzəri, həm də praktik bacarıqlar öyrədilib.   

 

Təlimlərin əhatəliliyini artırmaq məqsədilə Azərbaycanın digər şəhərlərində də keçirilməsi nəzərdə tutulur.