“Şuşada yaşayanlar üçün modul tipli xəstəxanada həkimlərimiz tərəfindən tibbi xidmət göstərilir. Onlara ixtisaslaşmış həkim müayinəsi lazım olduqda isə göndəriş Füzuli Rayon Mərkəzi Xəstəxanasına verilir. Lazım gəldikdə, Bakı şəhərindəki xəstəxanalara da tibbi göndəriş yazıla bilər”.

Bu fikirləri Nərimanov Tibb Mərkəzinin direktoru Fazil Alməmmədov TƏBİB-in təşkilatçılığı ilə Milli Mətbuat Gününə həsr olunan tədbirdə çıxışı zamanı deyib.

Direktorun sözlərinə görə, Şuşada yaşayanlar üçün tibb xidmətlərin göstərilməsində heç bir problem yoxdur. Onların tibbi göndərişləri aidiyyəti qaydada həyata keçirilir.