“Həkimlərimizi tanıyaq!” rubrikamızda Sizlərə hər bir xəstəyə individual yanaşan yüksəkixtisaslı həkim, damar cərrahı, t.ü.f.d. Səbuhi Dadaşovu təqdim edirik.
Səbuhi Dadaşov 2007-ci illərdə Azərbaycan Tibb Universitetinin Müalicə-profilaktika fakültəsini fərqlənmə diplomu ilə bitirib. 2007-2009-cu illərdə İ.M.Seçenov adına Moskva Tibb Akademiyasında kliniki ordinaturada təhsil alaraq həkim-ordinator, 2009-2012-ci illərdə İ.M.Seçenov adına Birinci Moskva Dövlət Tibb Universitetində aspiranturada təhsilini "2007-2015-ci illərdə Azərbaycan gənclərinin xarici ölkələrdə təhsili üzrə Dövlət Proqramı" çərçivəsində davam etdirərək həmin Universitetin 1 nömrəli universitet klinik xəstəxanasında həkim-aspirant kimi çalışıb. O, 2013-cü ildən Mərkəzi Gömrük Hospitalında damar cərrahı işləyir.
Həkim-cərrah 2012-ci ildə “Daxili yuxu arteriyasının patoloji deformasiyasının cərrahi müalicə taktikası” mövzusunda dissertasiya işini müdafiə edərək tibb üzrə fəlsəfə doktoru elmi dərəcəsi alıb.
Səbuhi Dadaşov Mərkəzi Gömrük Hospitalında arterial, venoz və limfatik sistem xəstəliklərinin müasir cərrahi və konservativ müalicəsini həyata keçirir. Onun etdiyi əməliyyatlar sırasına abdominal aorta və periferik arteriyaların anevrizmaları zamanı anevrizmektomiya və protezləşdirmə, aorta-bifemoral şuntlama, periferik arteriyaların autovenoz və ya süni damar ilə şuntlanması, karotid endarterektomiya və arterioplastika, periferik arteriyalardan endarterektomiya, trombembolektomiya, fleboloji əməliyyatlar: klassik flebektomiya, endovenoz ablasiya və miniflebektomiya, skleroterapiya, köpük skleroterapiya və Exo-skleroterapiya daxildir.
O, daim öz üzərində işləyir, tibb sahəsində qazanılan nailiyyətləri öz təcrübəsini zənginləşdirir.
Dr.Səbuhi Dadaşov 2007-2012-ci illərdə Rusiya Federasiyasında ürək-damar cərrahiyyəsinin müxtəlif bölümlərini əhatə edən elmi-praktik kurslar keçib, bir çox konfransların, konqreslərin iştirakçısı olub və elmi işi barəsində məruzələrlə çıxış edib.
Həkim Rusiya Federasiyası Ürək-Damar Cərrahları Assosiasiyasının və Avropa Damar Cərrahiyyəsi Cəmiyyətinin üzvüdür.
Səbuhi Dadaşov barədə daha ətraflı məlumat almaq üçün bu linkə daxil ola bilərsiniz: https://customshospital.az/sebuhi-dadashov
Daha ətraflı məlumat üçün əlaqə nömrəsi: (012) 404-08-08.
