Azərbaycanda hər zaman şəhid ailələrinə və qazilərə, həmçinin müharibə iştirakçılarına böyük diqqət göstərilir, bayramlarda, dövlətimiz üçün digər əlamətdar günlərdə onlara baş çəkilir, maddi-mənəvi dəstək göstərilir. Ölkəmizdə bu istiqamətdə milli həmrəylik yaşanır, dövlət orqanları ilə yanaşı, ictimai qurumlar da bu nəcib missiyada yaxından iştirak edirlər.

Ənənənin davamı olaraq iyulun 9-da Şəmkir Rayon Mərkəzi Xəstəxanasının Həmkarlar İttifaqı Şurası tərəfindən müqəddəs Qurban bayramı münasibətilə xəstəxananın şəhid ailəsi, müharibə iştirakçısı və aztəminatlı ailələrdən ibarət olan işçi qrupuna bayram sovqatı verilib.

Tibb işçiləri onlara göstərilən diqqət və qayğıya görə ölkə rəhbərliyinə minnətdarlıqlarını ifadə ediblər.