Gəncədə “Laboratoriyaların tibbi tullantıları və onların idarə edilməsi” mövzusunda təlim təşkil olunub.

Tibbi Ərazi Bölmələrini İdarəetmə Birliyi (TƏBİB) və Ümumdünya Səhiyyə Təşkilatının (ÜST) əməkdaşlığı çərçivəsində həyata keçirilən tədbirdə Gəncə ilə yanaşı, ətraf rayonlardan da (Samux, Goranboy, Qazax, Gədəbəy, Mingəçevir, Ağstafa, Göygöl, Şəmkir, Daşkəsən) nümayəndələr iştirak edib.

ÜST-ün eksperti Radu Kojokarunun təlim keçdiyi bu toplantıda, həmçinin TƏBİB-in əməkdaşları Ramin Burcəliyev və Vəfa Qocayeva çıxış ediblər.

Laboratoriya sistemlərinin gücləndirilməsi məqsədilə təşkil edilən silsilə treninqlərə laboratoriya, infeksiya və biotəhlükəsizlik işləri ilə məşğul olan mütəxəssislər dəvət olunub.

Təlimin iyul ayının 8-dək davam etdirilməsi nəzərdə tutulur.